Алматыға күн сайын 80 мың маска жеткізіледі
Алматы қаласы әкімінің орынбасары Сапарбек Тұяқбаев қалада медициналық маска жетіспеушілігі мәселесі туралы айтты.
Алматы, NEGE. "Алматыда маска жетіспеушілік мәселесі шешіліп жатыр. Бүгін қалаға 60-80 мың маска әкелінді. Ертең демалыс күні шамамен 140 мың маска жеткізіледі деп күтілуде. Ал дүйсенбіден «Дольче-фарм» ЖШС күнделікті 80 мың дана маска жеткізіп беретін болды. Өндірушілер бұған дейін материалды Қытайдан алып келсе, қазір Ресейден әкелуде. Сондай-ақ, мемлекет бюджеті арқылы медицина қызметкерлері, полицейлер, шекара қызметі мамандары маскамен қамтамасыз етіледі" деді Сапарбек Тұяқбаев.
Сонымен қатар, 500 млн теңге қаржыға, қоғамдық орындар мен медициналық мекемелер дезинфекцияланады", - деді Алматы қаласы әкімінің орынбасары Сапарбек Тұяқбаев.
