Дзюдодан Моңғолиядағы Grand Slam турнирі: Қазақстан құрамасы жүлдесіз қалды
Ұлан-Батырда (Моңғолия) дзюдодан Grand Slam сериясындағы ірі халықаралық турнир аяқталды.
Алматы, NEGE. Аталған додада ел намысын сегіз спортшы қорғады. Алайда олардың ешқайсысы жүлдеге қол жеткізе алмады.
Командадағы ең үздік нәтижені Бауыржан Нарбаев (66 келіге дейін) пен Ермахан Әнуарбеков (90 келіге дейін) көрсетті. Екеуі де турнирді бесінші орынмен аяқтады.
Ал Толғанай Әбеуова (52 келіге дейін) жетінші орынды қанағат тұтты.
