Дзюдодан әлем чемпионаты: Елдос Сметов пен Ғалия Тынбаева бірінші кезеңде жеңіске жетті
Әбу-Даби қаласында (БАӘ) дзюдодан әлем чемпионаты басталды. Бүгін Қазақстан сапынан 4 спортшы татамиге шығады, деп жазады Olympic.kz.
Алматы, NEGE. 48 келі салмақтағы Ғалия Тынбаева бірінші айналымда бразилиялық Аманда Лиманы "ваззари" ұпайымен жеңіп, келесі кезеңге өтті. Оның ендігі қарсыласы - испаниялық Лаура Мартинс Абеленда.
60 келі салмақтағы Елдос Сметов те екінші айналымға жолдама алды. Ол бірінші белдесуінде вьетнамдық спортшыны шидо санымен жеңді. Сметовтің кезекті қарсыласы - Оңтүстік Корея өкілі Ким Вон Джин.
