Джулиан Ассанж түрмеден шықты
Лондонның Жоғарғы соты 2019 жылдан бері Лондондағы Белмарш түрмесінде отырған WikiLeaks сайтының негізін қалаушы Джулиан Ассанжды кепілмен босату туралы шешім шығарды.
Алматы, NEGE. Ол түрмеден босап шыққаннан кейін әйелі мен балалары тұратын Австралияға ұшып кеткен. Бұл туралы WikiLeaks аккаунты X әлеуметтік желісінде хабарлады.
Ұйым сонымен қатар Ассанждың АҚШ прокуратурасымен мәміле жасағанын растады.
Джулиан Ассанж 2006 жылы құпия ақпаратты жариялауға маманданған WikiLeaks веб-сайтын құрды. 2010 жылы сайтта Ирак пен Ауғанстандағы қақтығыстарға қатысты материалдар жарияланған. Америка Құрама Штаттары журналистке құпия ақпаратты жария еткені үшін 18 бап бойынша айып тақты. Осы айыптар бойынша ол 175 жылға бас бостандығынан айырылуы мүмкін еді.
Қазір оқып жатыр
Әл-Фарабидегі жол апаты: Zeekr жүргізушісі 10 жылға бас бостандығынан айырылды
ҰБТ басталған алты аптаның ішінде 624 талапкердің нәтижесі жойылған
CTS Астанадағы LRT-ның келесі кезеңіне Қытай биржасынан инвестиция тартыла ма?
Мәжіліс төрағасы Брест қамалы музейіне Хиуаз Доспанованың мүсінін сыйға тартты
