Джо Байденнің ұлы 17 жылға бас бостандығынан айырылуы мүмкін
АҚШ-тың қазіргі президенті Джо Байденнің ұлы Хантер Байден 1,4 миллион доллар салық төлеуден жалтару ісі бойынша барлық тоғыз бап бойынша кінәсін мойындады.
Алматы, NEGE. Кіші Байден осылайша ашық сот талқылауынан құтылды. Бейсенбі күні Лос-Анджелес федералды сотындағы процеске қатысушылар сотталушының қатысуымен алқабилерді іріктеуге кірісе бастаған. Алайда Хантер Байден бұл процесті тоқтатып, мәлімдеме жасады.
Судья Марк Скарси Байденді 17 жылға бас бостандығынан айыру және миллион долларға дейін айыппұл төлеуі мүмкін екенін айтты. Хантер оның салдары қандай болатынын түсініп тұрғанын жеткізді.Сонымен қатар Кіші Байден кінәсін мойындауы үшін оған ешкім ешқандай уәде немесе кепілдік бермегенін мәлімдеді. Сондай-ақ ол өзіне ешқандай қысым көрсетілмегенін алға тартты.
Судья үкім шығатын күнді 16 желтоқсанға белгіледі.
Байденге 2016-2019 жылдар аралығында 1,4 миллион доллар салық төлеуден жалтарған деген айып тағылып отыр.
