Джеки Чанның домбыра үніне қосылып ән шырқаған видеосы тарады
Әлемге атақты актер Джеки Чан домбыраның үніне қосылып ән шырқады.
Алматы, NEGE. Джеки Чанның домбыраның сүйемелдеуімен қытай тілінде ән орындаған видеосы әлеуметтік желіде тарап жатыр. Видеоның қай жерде, қашан түсірілгені белгісіз.
«Бұл әнді түрлі концерттерде естіген боларсыз. Бірақ домбыраның сүйемелдеуін ешкім естімеді. Бүгін мен сіздерге домбырамен «Нағыз батырлар» әнін айтамын», - дейді Джеки Чан.
Еске салайық, бұған дейін Джеки Чан фильмнің түсірілімі үшін Қытайдың Іле-Қазақ автономиялық облысына келген болатын. Бұдан кейін жергілікті этникалық қазақтар актерге шапан мен ат мінгізген. Ал оның алдында Джеки Чанға қазақ әншісі Димаш Құдайберген шапан мен домбыра сыйлаған болатын.
