Джек Ма жоғалып кетті
Қытайдағы аса бай адамдардың бірі, миллиардер Джек Ма біраз уақыттан бері көрінбей кетті. Батыс басылымдарының жазуынша, Джек Маның жоғалуы Қытай Коммунистік партиясының кейбір компанияларды ұлттандыру жоспарымен байланысты болуы мүмкін.
Алматы, NEGE. Джек Маның Alibaba Group деп аталатын аса ірі интернет-компаниясы бар. Міне, осы алпауыт компанияны Қытайдың компартиясы ноқталап алғысы келеді.
Жуырда Компартияның ресми рупоры «Жэньеминь Жибао» басылымы «компартияның антимонополистік жоспары жақсы іске асып жатқанын, жұмыс бұдан әрі де күшейе беретінін» жазған.
Джек Маға тиесілі компанияларды тексеру өткен жылдың соңында басталған. Іле-шала миллиардердің өзі де көзден таса болды. Туиттер әлеуметтік желісінде ол соңғы рет 10 қазанда жазыпты. Қаңтар айында африкалық кәсіпкерлермен кездесуге де келмей қалған.
Джек Ма қайда кетті сонда? Ол Қытай билігінен жасырынып жүруі мүмкін. Қолы ұзын Қытай компартиясы миллиардерді қамап тастауы да ғажап емес.
Қазір оқып жатыр
«АЛМЭКС» холдингінің құрылымы өзгерді, бірақ Құлыбаевтар позициясын сақтап қалды
Маңғыстауда алғаш рет шала туған нәрестелердің көзіне күрделі ота жасала бастады
2024 жылғымен бірдей шықты. Ағайынды Тастекейлер былтыр НЕГЕ көтеріле алмады?
Денсаулық сақтау саласының үздігі Бақыт Түменова дүние салды
