Дүйсенбіде Қазақстанның үш облысында күшті боран тұруы мүмкін
«Қазгидромет» келесі аптада, дүйсенбі күні Қазақстанның үш облысында боран тұрады деп болжайды.
Алматы, NEGE. 3-ақпан күні Батыс Қазақстан облысының кей өңірінде тұман түсіп, боран соғуы, көктайғақ болуы мүмкін. Синоптиктер боран тұру ықтималдығын 90-95 % деп бағалауда.
Ақпанның 3-де Маңғыстау және Қызылорда облыстарының да кей жерінде тұман түсіп, боран соғуы мүмкін. Синоптиктер жолда көктайғақтан абай болуды ескертеді. Екі өңірдегі ауа-райының күрт нашарлау ықтималдығы 90-100 % көлемінде бағаланған.