Дугинаны жарып жібергендер көлігіне алматылық нөмір таққан
Ресейдің федералдық қауіпсіздік қызметі Дарья Дугинаны көлігімен бірге жарып жібергендердің қазақстандық нөмірді пайдаланғанын мәлімдеді. Мұны ТАСС хабарлады.
Алматы, NEGE. «Дугинаға қастандық ұйымдастыру үшін Вовк пен оның қызы Мәскеуден пәтер жалдаған. Пәтер Дугинаның үйіне жақын маңда болған. Журналисті сырттай бақылау үшін күдіктілер Мини Купер көлігін пайдаланған. Ресейге кірер кезде Е982ХН DPR деген ДНР нөмірін тақса, Мәскеуде қазақстандық нөмірмен (172AJD02) жүрген. Ал шекарадан украиналық нөмірмен шығып кеткен», – деп хабарлады ФҚҚ.
ФҚҚ Украина азаматы, 1979 жылы туған Наталья Вовктан күдіктенеді. Ол Ресейге 23 шілдеде қызы екеуі кірген. Дугинаның көлігін жарып жіберген соң Эстонияға өтіп кеткен.
Естеріңізге салайық, журналист Дарья Дугина – ресейлік идеолог Александр Дугиннің қызы. Ресейдің Украинаға басып кіруін қызу қолдағандардың бірі осы А.Дугин болатын.
Қазір оқып жатыр
Абай облысында жүргізуші куәлігін алуға көмектескен лауазымды тұлғалар ұсталды
30 маусымда қос Палатаның бірлескен қорытынды отырысы өтеді
«Van Cleef алқасын, Dior сөмкесін пара ретінде алған»: Кореяның экс-бірінші ханымы тағы 7 жыл арқалады
Бейбіт Құсайынов: Қазақстанда екінші орын алсаң, «бірінші орын алдым» деп есептей беруге болады
