Дубайға кетіп, құлдыққа түскен қазақ жігіттері елге оралды (видео)
Дубайға барып жұмыс істейміз деп кетіп, құлдыққа түскен қазақ жігіттері елге оралды.
Алматы, NEGE. Журналист Руслан Өтепбай жігіттердің елге оралған сәтінен видео жариялады.
«Сүйінші ағайын! Исламбек пен Жарас елге аман-есен келді. Аллаға сансыз шүкір. Ата-аналар бақытты, балалар аман», – деп жазды журналист.
Естеріңізге сала кетейік, Қазбеков Исламбек 2022 жылдың қыркүйек айында Дубай қаласына жұмыс істеуге кеткен. Бірақ жыл соңына қарай Исламбек достарына белгісіз адамдардың айтуымен Тайландқа ауысқанын айтқан. Кейіннен Тайланд, Лаос, Мьянма елдерімен шектесетін «Золотой треугольник» деген жерге алданып келгенін хабарлаған болатын.
