ДСМ жүргізген тексеруден кейін 78 медициналық ұйым лицензиясынан айырылды
Денсаулық сақтау министрлігінің медициналық және фармацевтикалық бақылау комитеті биылғы 9 айдағы бақылау және қадағалау қызметінің қорытындысын жариялады.
Астана, NEGE. Тексеру нәтижесінде заңнама талаптарын бұзған медициналық ұйымдардың лицензияларын сот арқылы тоқтату рәсімдері жүргізіліп, 78 медициналық ұйымның рұқсат құжаты кері қайтарылды. Денсаулық сақтау министрлігінің хабарлауынша, олардың ішінде стоматологиялық клиникалар да бар.
Бұл жұмыс пациенттердің қауіпсіздігін қамтамасыз етуге, лицензиялық талаптардың сақталуын қадағалауға және медициналық қызмет көрсетушілердің жауапкершілігін арттыруға бағытталған.
Министрлік өкілдері медициналық көмек көрсету құқығы заңнама талаптары мен қауіпсіздік стандарттарын мүлтіксіз сақтауды талап ететінін ескертеді.