ДСМ Таразда босанған әйелдің өліміне байланысты тексеру жүргізеді
ҚР Денсаулық сақтау министрлігі Жамбыл облыстық перинаталдық орталығына қатысты жоспардан тыс тексерудің басталғаны туралы хабарлады.
Алматы, NEGE. Ведомстваның мәліметінше, тексеру кезінде медициналық персоналдың барлық кезеңдердегі іс-әрекеттеріне құқықтық баға беріледі.
«Тексеруге босанған әйел С.Н.-нің қайтыс болуына байланысты қайғылы жағдай негіз болды. Бақылау іс-шаралары аяқталғаннан кейін тексеру материалдары процестік шешім қабылдау үшін тиісті органдарға берілетін болады», – делінген хабарламада.
Тексеру нәтижелері қосымша хабарланатыны айтылды.
