Досаев: Коммуналдық инфрақұрылымды жаңғырту өзекті мәселе болып қала береді

Алматы, NEGE. Ауданда коммуналдық инфрақұрылымды жаңғырту өзекті мәселе болып қала береді. Аудан тұрғындары Құлагер ш/а жылумен жабдықтау мәселесіне ерекше алаңдаушылық білдірді. Шағын ауданда ұзындығы 1,7 км болатын жылу желілерін қайта құру қазан айының соңына дейін жүргізілді, ал қазіргі уақытта толық аяқталды.

Ауданды тұрақты электрмен қамтамасыз ету үшін 40 км ескірген электр желілерін қайта жаңарту жұмыстары жүргізілуде, 800 бағана орнатылды, 15,8 км кабель тартылды. Бұл Жетісу ауданында 4000-нан астам абонентті үздіксіз электрмен қамтамасыз етуге мүмкіндік береді. Жыл соңына дейін көше жарығын модернизациялау аяқталады.

Қараша айында Қазыбаев, Рысқұлов даңғылдары, Тәтібеков көшесі, Райымбек даңғылының қиылысында ұзындығы 57,9 км сумен жабдықтау желілерін реконструкциялау және кәріз құрылысы бойынша жұмыстар аяқталады.

Жол инфрақұрылымы және қауіпсіздік мәселелері бойынша: биылғы жылдың басынан бері жалпы ауданы 28 мың шаршы метр болатын 124 жол учаскесіне қазір жөндеу жүргізілді, орташа жөндеу – ұзындығы 26,3 км болатын 21 көшеге, ұзындығы 16,3 км болатын жаңа тротуарлар салынды, 30 жаңа аялдама кешені орнатылды, 8 автобус бағытының жылжымалы құрамы толығымен жаңартылды.

Оқушы орындарының тапшылығын азайту үшін үш мектепке 800 орындық 3 қосымша нысанның құрылысы басталды. Екі мектепті күрделі жөндеу қарастырылған.

Жетісу ауданында түрлі жастағы балалардың спортпен шұғылдануы үшін 2 дене шынықтыру-сауықтыру кешені ашылды: Кемел ш/а ауысымында 94 келушіге, ал Айнабұлақ шағын ауданында ауысымында 100 келушіге арналған.

Мектептер мен балабақшаларда орын тапшылығын азайту бойынша жұмыстар жалғасып жатыр. Айнабұлақ-4 шағын ауданында балабақша салынады. 440 орындық 2 балабақша салу және жөндеу жұмыстары басталды.

Жазда әкімдік екі қабатты әкімшілік ғимаратты сатып алды. 280 орындық балабақшаны күрделі жөндеу келесі жылы басталады. Оған Ратушный - Қазыбаев - Серіков - Рысқұлов көшелерінде тұратын балалар бара алады.

Айнабұлақ-4 шағын ауданында 160 орындық балабақша салына бастады. Құрылыс 2023 жылдың маусымында аяқталады.

Медициналық қызмет көрсетудің қадамдық қолжетімділігін қамтамасыз ету үшін жыл соңына дейін Кемел ш/а 200 келушіге арналған ОДА (отбасылық дәрігерлік амбулатория) құрылысы аяқталады. Бір ауысымда 500 келушіге арналған емханаларға күрделі жөндеу және екі ғимарат салуға жобалау-сметалық құжаттама дайындау қолға алынған.      

Ауданда қатты жауын-шашын кезінде су басу мәселесі өзекті болып қалуда. ТЖ желісі бойынша 8 учаскені жою жұмыстары жүргізілуде. Бұл мәселені шешу үшін ұзындығы 7,2 км арық желілерін салу, 2,2 км коллекторларды қалпына келтіру және 2,5 км Есентай каналын тазарту жұмыстары жүргізілуде. Аталған жұмыстарды ағымдағы жылдың соңына дейін аяқтау жоспарлануда.

Келесі жылы экология және қоршаған ортаны басқару желісі бойынша ұзындығы 27 км 27 учаскеде арық желілерін салу жоспарланып отыр:

Көшелерді су басу мәселесін шешу үшін:

қосымша 16 мекенжайда ұзындығы 7,1 км арық реконструкцияланды

Брюсов көшесіндегі үнемі су басатын аумақ жойылды

ұзындығы 7,2 км арық желісін салу, 2,2 км коллекторды қалпына келтіру және 2,5 км Есентай каналында тазарту жұмыстары жүргізіліп жатыр.

ұзындығы 27 км 27 учаскеде арық желілерін салу жоспарланған

Сондай-ақ, қала әкімі Ерболат Досаев ауданның қоғамдық қауіпсіздігін қамтамасыз ету шаралары туралы хабардар етті. Биылғы жылдың соңына дейін адамдар көп жиналатын жерлерде 597 бейнекамера орнатылады.

«Халық қатысатын бюджет» бағдарламасы бойынша ауданда 800 млн теңгеге 23 жоба іске асырылды. Бұл жобаларды жүзеге асыру Великолукская көшесінде жаңа қоғамдық кеңістік құруға мүмкіндік берді. Сондай-ақ, екі скверде жаңа спорт алаңдары ашылды.

Аудан тұрғындары 2023 жылға қоғамдық кеңістікті абаттандыру және көгалдандыру, балалар мен спорт алаңдарын жөндеу және жасау бойынша 129 өтінім берді, оның ішінде 18 жоба алдын ала іріктелді.

Алматы әкімімен кездесу барысында тұрғындар жолдарды жөндеу, кәріз және электр желілерін абаттандыру және т. б. мәселелерді көтерді.

Тұрғындардың өтініші бойынша жол инфрақұрылымын жақсарту бойынша жұмыстар жүргізіліп жатыр.

Жол инфрақұрылымын дамыту үшін қолға алынған жұмыстар:

- 124 жол учаскесіне ағымдағы жөндеу жүргізілді және ұзындығы 26,3 км 21 көше орташа жөндеуден өтті;

- Көкжиек шағын ауданында тротуарлар және арықтармен бірге жолдар жөнделді;

- Қараша айының соңына дейін 2-ші Гончарная көшесінде орташа жөндеу аяқталады;

- 29 мекенжайда ұзындығы 16,3 км тротуарлар салынды, сонымен бірге жаяу жүргіншілер өткелдеріне 3 бағдаршам орнатылды;

- Жетісу базарынан Адем сауда үйіне дейін ұзындығы 28 км болатын №138 жаңа маршрут ұйымдастырылды;

- №46 маршрут 1 км-ге ұзартылды автобустар саны 10-нан 12-ге көбейді.

- 8 маршруттың (№40, 41, 70, 135, 52, 56, 69, 80) жылжымалы құрамы толық жаңартылды;

-  Қыркүйек және қазан айларында 30 жаңа аялдама орнатылды.

Мемлекет басшысы Қасым-Жомарт Тоқаевтың Жарлығымен бекітілген халықпен кездесудің жаңа форматына сәйкес жыл соңына дейін Ерболат Досаев халықпен 24 кездесу өткізеді – 8 ауданның әрқайсысының тұрғындарымен тоқсанына бір кездесу.