Досаев Алматыға LRT қажет екенін айтты
Алматы әкімі Ерболат Досаев қалаға LRT салуға қатысты ойын айтты.
Алматы, NEGE. “Менің ойымша, Алматыға LRT керек. Қалада, өздеріңіз білетіндей, Төле би көшесінің бойында бұрын трамвай жолдары болған еді. Оның орны қалды, қазір дамытуға мүмкіндіктер бар. Бұған дейін қоғамдық кеңесте мен LRT-ға қатысты шешімді қазан айына дейін қабылдаймыз деп айтқанмын. LRT бойынша Алматыда екі-үш жоба дайындалған. Қазіргі таңда олардың бағасына және әкімдіктің мүмкіншіліктеріне қараймыз”, – деді Досаев.
