Дональд Трамп Асу Алмабаев қатысқан UFC турнирін тамашалады
Америка Құрама Штаттарының бұрынғы президенті Дональд Трамп қазақстандық Асу Алмабаев өнер көрсеткен UFC 299 турнирінің құрметті қонағы болды.
Алматы, NEGE. Саясаткер ресми трансляция кезінде бірнеше рет көзге түсті. Ол жекпе-жекті UFC басшысы Дана Уайтпен бірге октагонға жақын жерден тамашалады. Трамп жекпе-жек өнерін жақсы көреді, промоушен турнирлеріне үнемі барып тұрады әрі бірнеше жекпе-жек шеберіне қолдау көрсетеді.
UFC 299 қатысушыларының арасында қазақстандық Алмабаев болды. Жеңіл салмақта өнер көрсеткен қазақстандық спортшы америкалық Си Джей Вергараны жеңіп, ұйымдағы екінші жеңісіне қол жеткізді.
Турнирдің басты жекпе-жегінде АҚШ өкілі Шон О'Мэлли эквадорлық Марлон Вераны жеңіп, жеңіл салмақ дәрежесінде алғаш рет UFC чемпиондық белбеуін қорғады.
