Доллар өсіп жатыр: Айырбастау пункттері жұмысын тоқтатты
Kurs.kz сайтының хабарлауынша, Нұр-Сұлтандағы ақша айырбастау орындарының барлығында дерлік долларды сату уақытша тоқтатылды, еуро саудасының жағдайы да осындай.
Алматы, NEGE. 1 долларды орташа есеппен 460 теңгеден сатып алып, 463,05 теңгеден сататын үш айырбастау пункті жұмыс істеп тұр.
Алматыда ақша айырбастау орындарының көбі долларды сатып алуды және сатуды жалғастырып жатыр.
Алайда он шақты айырбастау пункті сауданы тоқтатты.
Мегаполисте бір доллар орта есеппен 460 теңгеден сатып алынып, 465-469 теңгеден сатылып жатыр. Кей жерлерде 474 теңгеге дейін көтерілді.
Ұлттық банктің 24 ақпандағы ресми бағамы -1 доллар үшін 437, 22 теңге.
Қазақстан қор биржасындағы (KASE) таңғы сауданың қорытындысы бойынша Қазақстанда доллар бағамы бір доллар үшін 452, 49 теңге болды.