Доллар бағамы өсті
Теңгеге қатысты доллар қымбаттап келеді. Ұлттық банк демалыс күндеріне доллардың ресми бағамын жариялады.
Алматы, NEGE. Қаржы реттегіштің мәліметі бойынша, 11 және 12 шілдеде бір доллар 412,55 теңге болады. 10 шілдеде ресми курс 410,7 теңгені, бейсенбі, 9 шілдеде 409,98 теңгені, сәрсенбі, 8 шілдеде 409,19 теңгені көрсеткен.
Бұған дейін сарапшылар шілде айында теңгеге қатысты шетел валютасының бағамына қандай факторлар әсер етуі мүмкін екенін айтқан. Олардың айтуынша, коронавирустың екінші толқыны мен ОПЕК+ елдерінің мұнай өндірісін қысқарту жоспарын толық орындамау және жаңа шектеулер бүкіл әлем экономикасына теріс әсер етуі мүмкін.