Доллар бағамы 2 теңгеге төмендеді
Доллардың теңгеге шаққандағы бағамы төмендеді, - деп хабарлады Tengrinews.kz Қазақстан қор биржасы (KASE) мәліметіне сілтеме жасап.
Алматы, NEGE. Күндізгі сауда қорытындысы бойынша, доллардың орташа сараланған бағамы 2,16 теңгеге төмендеп, 476,89 теңгеге тең болды. Айта кетейік, доллардың 14 қазандағы ресми бағамы - 479,32 теңге.
Дәл қазір Алматының ақша айырбастау орындарында долларды сатып алу – 475,84 теңге, сату – 479,11 теңге. Астананың ақша айырбастау орындарында америкалық валюта орта есеппен 474,92 теңгеден сатып алынып, 478,89 теңгеден сатылып жатыр.