«Диуани хикмет» – Түркістанда Яссауи хикметтерін жатқа айтудан байқау өтті
Ясауи университетінің студенттері Қожа Ахмет Ясауи хикметтерін жатқа айту сайысында жүлделі орындарды өзара бөлісіп алды.
Түркістан, NEGE. Таяуда Түркістан қаласы әкімдігінің ұйымдастыруымен «Диуани хикмет» атты Қожа Ахмет Ясауи хикметтерін жатқа айту аймақтық байқауы өтті. Сайысқа Теология факультеттінің 4 студенті қатысты.
Байқаудың қорытынды нәтижесі бойынша Хавасханова Салихабану – бас жүлде, Тәуекел Алтын – І орын, Мәулен Мухсина – ІІ орын, Мәулен Хасан – ІІІ орын иеленді.
Бас жүлде иегері – Хавасханова Салихабану Хавасханқызы 300 мың теңге ақшалай сыйлықпен марапатталды. Сондай-ақ жеңімпаздан басқа жүлдегерлер де ұйымдастырушылар тарапынан ақшалай сыйлықтарға ие болды.
Осылайша, университетімізден байқауға қатысқан төрт студентіміз де жүлделі орын алып, білім ордамыздың мәртебесін асқақтатты. Жеңімпаз студенттердің жетекшісі – PhD, аға оқытушы Бауыржан Сайфунов.
