Дисплейі ең мықты смартфонды білесіз бе?
Apple компаниясының iPhone 12 смартфонының экраны нарықтағы ең үздік дисплей деп танылды. Бұл туралы DisplayMate зерттеу компаниясы мәлімдеді.
Алматы, NEGE. Apple флагманының экраны кезекті рет смартфондарға арналған ең үздік дисплейлер рейтингінің бірінші қатарына тұрақтады. Бұл орынды 2019 және 2018 жылдары iPhone 11 Pro Max және iPhone XS Max иеленген болатын. Сынақ нәтижелері бойынша флагманның экраны 11 сапа рекордын орнатты. Оның ішінде «Ең жоғары абсолютті түстер дәлдігі», «Ең жоғары контраст коэффициенті» категориялары бар. Сынақ қорытындысына сәйкес iPhone 12 Pro Max дисплейі ең жоғары A+ бағасын және әлемдегі ең үздік смартфон экраны мәртебесін алды.
