Динара Құлыбаеваға тиесілі ҚБТУ мемлекетке қайтарылды

Алматы, NEGE. «Акционерлердің құрамы туралы және эмитенттің дауыс беретін акцияларының он және одан да көп пайызын иеленетін акционерлердің құрамында өзгеріс бар. ҚБТУ-дың жаңа иесі – «Қайтарылған активтерді басқару компаниясы» ЖШС», – делінген ресми құжатта.

Құжатқа сәйкес, білім ордасының акционерлері 27 ақпан күні ауысқан. 

Бұған дейін Алматыдағы ҚБТУ-дың иесі Динара Құлыбаева негізін қалған «Нұрсұлтан Назарбаевтың білім беру» қоры болатын.

ҚБТУ Қазақстан Үкіметінің 2001 жылғы 3 тамыздағы қаулысымен құрылды. Қазақстан жағынан құрылтайшысы – үкімет, ал уәкілетті орган – Білім және ғылым министрлігі. Британия жағынан ҚБТУ серіктестері Қазақстандағы Ұлыбритания Елшілігі және оның басты өкілі Британ Кеңесі болды. 2003 жылы университет «ҚазМұнайГаздың» меншігіне өтіп, ұлттық компания сол кезде жалғыз акционер болды. 2018 жылы жекешелендіру бағдарламасы аясында ҚБТУ Нұрсұлтан Назарбаев білім беру қорына сатылды.