Дін сабағынан қашпақ болған жас бала бесінші қабаттан құлап кетті
Ташкентте балаларға дінді заңсыз үйреткен ер адам оқушыларын ұрып-соққан. Балалардың бірі сабақтан қашып кетпек болғанда, бесінші қабаттан құлап кетті, деп хабарлайды Zakon.kz.
Алматы, NEGE. Ташкенттің Шайхантахур ауданында Қашқадария облысының тумасы заңсыз және зорлық-зомбылықпен оқытатын дін сабағынан қашпақ болған оқушы бесінші қабаттан құлады. Бала ұзартқыш сымнан ұстап тұрып, артынша құлап кеткен.
Бала ауруханаға жеткізілді. Болған жайтты полицияға жедел жәрдем дәрігері хабарлаған.
Тергеу барысында діни білімі жоқ 1995 жылғы ер адам жалдамалы пәтерде ер балаларға дін үйретіп, әрқайсысынан 200 000 сум (7 600 теңге) алғаны анықталды.
Бұған қоса ол балаларды ұрып-соққан. Балалардың туыстары одан бейхабар болғанын айтады.
Ер адам кінәлі деп танылып, 15 тәулікке қамауға алынды. Баланы тәрбиелеу мен оқытуда өз міндетін орындамағаны үшін балалардың ата-анасы да жауапқа тартылды.
Балаларға келтірілген жарақаттың ауырлығын анықтау үшін сот-медициналық сараптамалар тағайындалды.
