Димаштың орындауындағы ән Уругвай радиосында шырқалды
Әншінің ресми сайты Димаштың дауысы алғаш рет Уругвай радиосында шырқалғанын жазды.
Алматы, NEGE. 25 сәуірде Уругвайдың Maxima FM 97.7 радиостанциясында Димаштың «Together» синглы қойылған. Бұл - қазақстандық әртістің Уругвай радиосындағы алғашқы таратылымы.
Димаштың інісі Әбілмансұр Құдайберген жазған «Together» композициясы уругвайлық Dears-тің белсенді сұрауларының арқасында «Los recomendables» бағдарламасында орындалған.
Maxima FM 97.7 - Уругвайдың Нуэво Пайсанду қаласында орналасқан танымал радиостанция.
Радио елдің соңғы жаңалықтары мен қызықты оқиғаларын, сондай-ақ әртүрлі жанрдағы музыканы таратады.
Радио жүргізушісі Эмина Димаштың Уругвай фан-клубына қызығушылық танытқаны үшін алғыс айтып, оны осындай таңғажайып әртістермен мүмкіндігінше жиі таныстыруды өтінді.