Димаштың әні тағы хит болды
«Біз біргеміз» деп аталатын әннің сөзін қытайлық Гао Шан мен Шан Ян жазыпты. Ал әуенінің күйін келтіргендер – Дон Нан мен Тан И.
Алматы, NEGE. Бұл әнде Димаш бүкіл адамзатты қазіргідей қиын кезеңде коронавирус пандемиясымен күресте бірігуге шақырады. Димаштың жаңа әні туралы Xinhua News хабарлады. Видеороликте жер бетіндегі тамаша табиғат суреттеледі. Сонымен бірге вирустан зардап шеккен халық, дүкеннің бос сөрелері, дәрігерлердің індетпен күресі көрсетіледі. Әннің соңы көңілді нотамен аяқталады.