Димаш Құдайбергеннің қазақ тіліндегі алғашқы альбомы шығады 

Алматы, NEGE. «Карантинде елге келіп, ең алғашқы қазақша альбомымды жинақтаудың сәті түсті. Қасымдағы кісіні таныстырмаса да болады. Атақты Марқұм Батырхан ағамыздың репертуарындағы «Отан ана», «Сағым дүние», «Қайран көңіл-ай» сынды талғамы биік көрерменнің жүрегін жаулаған әндердің авторы, нағыз қазақ композиторларының ұстазы - Қуат ағамызбен студияда жұмыс барысында», - деп жазды Димаш Instagram парақшасында. Сонымен қатар ол композитор Қуат Шілдебаевпен 3 жылдан бері кездесе алмай жүргенін айтып өтті. «Мен Бейжіңде жүргендіктен Қуат аға екеуміз 3 жыл бойы кездесе алмай енді ғана кездесудің сәті түсті. Осындай ұлы композитормен жұмыс жасаудың өзі үлкен бақыт қой», - деді әнші.