Димаш Құдайберген жаңа келісімшартқа қол қойды
Қазақстандық танымал әнші Димаш Құдайберген АҚШ-тағы IPZ продюсерлік агенттігімен келісімшартқа қол қойды.
Алматы, NEGE. Бұл туралы Димаш Құдайберген өзінің Instagram парақшасында хабарлады.
«Димаш – Құрама Штаттарды енді бағындырып келе жатқан дарынды әнші. Ол өзінің онсыз да сәтті мансабын кеңейтуге мүмкіндік алады, шәкірт тәрбиелейтін әлемдік брэндтерге қол жеткізеді», – деді IPZ басқарушы серіктесі Роберт Зито.
IPZ – кәсіби спортшыларға, телеарна және сандық медиа мамандары, сонымен қатар ойын-сауық саласына арналған қызмет түрлерін ұсынатын агенттік.
Компания келісімшарт орнатуды ұсынады, маркетинг пен медиа, қоғаммен байланыс және клиенттердің мансабын жоспарлауға қатысты кеңес береді.
