Димаш Құдайберген Өзбекстандағы Төле би кесенесіне барды
Әнші, музыкант Димаш Құдайберген Өзбекстанда жүр. Ол Instagram-дағы парақшасында Ташкентке сапарында Мәдениет және туризм министрі Озодбек Ахмадұлымен бірге Шейх Хованди Тохур мен Төле би кесенелерін аралағанын айтты.
Алматы, NEGE. Төле би 17-ғасырда шейх кесенесінің айналасына жерленген. Қарлығаш әулие деген атпен белгілі бұл кісі қазақ халқының бас билерінің бірі, «Жеті жарғы» заңдар жинағының авторларының бірі болған.
"Ескі Ташкенттегі Себзор массивіндегі хазірет Имамның (Хастимам) бейітін де зиярат еттік. «Муйи Муборак» медресесінде сақталған хазірет Осман Мұшафидің Құран Кәрімнің ең көне данасын көру бақытына ие болдым. Бұл мүбәрак Құран 7-ғасырда (644-648 жж.) үшінші халифа Осман ибн Аффанның (Алла оған разы болсын) бұйрығымен бұғы терісіне көшірілген. Сапарымызда өзбек қолөнерінің үлгілерін тамашалаудың сәті түсті", - деді Димаш Құдайберген.
