Димаш байқау жариялады: Жеңімпаз әншімен жеке кездесе алады
Қазақстандық әнші Димаш Құдайберген жаңа музыкалық жобасы Voice Beyond Horizon премьерасына орай конкурс жариялады. Бұл туралы ол Instagram парақшасында хабарлады.
Алматы, NEGE. Конкурс жеңімпазының әртістің жанында бір күн өткізуге мүмкіндігі бар.
Ол үшін байқау шарты бойынша қатысушылар өз достарын @voicebeyondhorizon парақшасына жазылуға шақыруы керек. Әрбір шақырылған қолданушы сілтемеге өтіп, жобаның парақшасына тіркелуі керек.
«Ең көп жазылушыны әкелген жанмен жеке кездесіп, бір күнді қуана бірге өткіземін. Қаласа, жеңімпаз тұратын қалаға немесе елге өзім келуге дайынмын», — деді әнші.
Конкурс 3 ақпанда басталып, 20 ақпанға дейін жалғасады.