«Дикий Арманның» ұйымдасқан қылмыстық тобына қатысы бар» – Айжан Байзақованың інісі тергелді
Белгілі қазақстандық блогер Айжан Байзақованың інісі, блогер Әлихан Байзақов «Дикий Арман» лақап атымен танымал Арман Жұмагелдиевтің ұйымдасқан қылмыстық тобына қатысты іс бойынша айыпталды, деп хабарлайды ҚазТАГ.
Алматы, NEGE. «Одан жауап алынды, содан кейін үйіне жіберілді. Ол осы іс бойынша («Дикий Арман» ұйымдасқан қылмыстық тобына қатысты) тергелді», - деді ақпарат көзі.
Редакцияға түскен ақпаратқа сәйкес, әңгіме «Дикий Арманның» ұйымдасқан қылмыстық тобын қаржыландыру туралы болуы мүмкін.
Бұған дейін Ішкі істер министрлігі Алматы және Шымкент қалаларында бір уақытта «Дикий Арманның» ұйымдасқан қылмыстық тобының 15 мүшесіне қатысты ұстау және тінту шаралары жүргізіліп жатқанын хабарлаған болатын.
