«Дикий Арманның» әйелі Тоқаевтан көмек сұрады (видео)
«Дикий Арман» лақап атымен танымал Арман Жұмагелдиевтің жары Айкөл Әлікжанова президент пен Қазақстан тұрғындарына бейне үндеу жолдады.
Алматы, NEGE. Ол қаңтардағы тәртіпсіздіктерге қатысы бар деген айыппен қамауға алынған күйеуінің ісіне объективті көзқараспен қарауды өтінді. Арандатуға берілмеуді сұрады.
«Құрметті, Қасым-Жомарт Кемелұлы, менің сөздерімді назарға алып, тергеудің объективтілігін бақылауға алуларыңызды сұраймын. Жолдасымның барлық әрекеті тек Отанға көмектесуге бағытталған. Ол ешқашан саясатқа қызығушылық танытпаған және бұл салада ол тек бітімгершілік миссиясын басқарды. Арандатушылыққа берілмеңіздер. Оны отбасына қайтарыңыз», – деді Айкөл Аликжанова.
