«Дикий Арман» мен Қайрат Құдайбергенге қатысты қылмыстық іс сотқа түсті
Алматы мәслихатының экс-депутаты Қайрат Құдайберген мен қылмыс әлемінің серкесі Арман Жұмагелдиевке (Дикий Арман) қатысты қылмыстық іс сот қарауына жіберілді.
Алматы, NEGE. Ақпаратты Алматы сотының баспасөз қызметі растады.
«Осы жылдың 4 қыркүйегінде қаңтар оқиғасы кезінде жаппай тәртіпсіздіктерді ұйымдастырды деген күдікпен ұсталған Қайрат Құдайберген мен Арман Жұмагелдиевке (Дикий Арман) қатысты қылмыстық іс Алматы қаласының қылмыстық істер жөніндегі мамандандырылған ауданаралық сотына жіберілді. Әзірге сот отырысының қай күні басталатыны белгісіз, яғни белгіленген жоқ»,- деп хабарлады Алматы қаласы сотының баспасөз қызметі.