Digital Bridge-де ЖИ базасында мұнай өндіруге арналған қазақстандық «жасыл» технология таныстырылды
Digital Bridge 2025 халықаралық технологиялық форумында қазақстандық Recado компаниясы мұнай ұңғымаларының жұмысын оңтайландыру үшін интеллектуалды жүйені ұсынды.
Алматы, NEGE. Әзірлеме Мемлекет басшысының негізгі салаларға ЖИ және цифрлық инфрақұрылымды енгізу тапсырмаларына жауап болды.
Жүйе ұңғыманың көбінесе босына жұмыс істеп тұратын сорғыларының электр қуатын шығындап, жабдықтың тозуын тездететін тиімсіз жұмысын болдырмайды. «Вангард ИИ» технологиясы «ақылды» контроллер мен датчиктердің көмегімен діріл мен массаны талдайды, сорғыны ұңғымада жеткілікті мөлшерде мұнай жиналған кезде ғана іске қосады. «Ақылды» тұтынудың бұл тәсілі әзірлемені «жасыл» технология ретінде жіктеуге мүмкіндік беріп отыр.
«Жүйені енгізу жабдықтың қызмет ету мерзімін ұзартып, электр қуатын үнемдеп қана қоймайды, сонымен қатар өнімділікке тікелей әсер етеді. Мұндай оңтайландыру өндіріс көлемін 10%-ға дейін арттыруға қабілетті, бұл бюджетке салық түсімдерінің өсуіне әкеледі. Мысалы, күніне 600 тонна мұнай өндіретін ұңғыма үшін оның 10%-ы – қосымша бір мұнай цистернасы»,
— деп атап өтті Recado компаниясының бақылау кеңесі төрағасы Нұрасыл Жарбасов.