Дүние
Диана ханшайымның жемпірі аукционда 1 млн долларға сатылды
Диана ханшайымның қойдың суреті бар жемпірі Нью-Йорктегі Sotheby's аукционында 1,14 млн долларға сатылды.
Алматы, NEGE. Аукционды ұйымдастырушылар бастапқыда британдық ханшайымның жемпірін 50-80 мың долларға бағалаған. Жемпір сырттай сауда-саттыққа 31 тамыз күні шығарылған және аукционның соңғы минуттарына дейін ұсынылған ең жоғары баға 200 000 доллар болған. Алайда аукционның соңына таман сатып алушылардың бірі — бес жарым есе көп соманы ұсынған. Sotheby’s жомарт жанның есімін құпия қалдырып отыр.
Айта кетейік, бір қара және бірнеше ақ қой бейнеленген қызыл жемпірді марқұм Диана ханшайым 1981 жылы киген.