Дүние
Diamond Princess кемесінде Қазақстанның 4 азаматы бар
Diamond Princess лайнерінде Қазақстанның 4 азаматы бар. Бұл туралы ҚР Денсаулық сақтау министрлігінің ресми өкілі Диас Ахметшәріп айтты.
Алматы, NEGE. «Жапония жағалауындағы Diamond Princess круиздік лайнерінде 50 мемлекеттің 3 700 азаматы оқшауланғаны белгілі. Олардың ішінде коронавирус жұқтырған 174 жолаушы анықталып отыр. Лайнерде Қазақстан Республикасының 4 азаматы да бар. Олардың жағдайы жақсы, вирустан дін аман. Карантин 19 ақпанда аяқталады», – деді Диас Ахметшәріп. Жапонияның Kiodo агенттігінің хабарлауынша, Diamond Princess лайнерінде коронавирус жұқтырғандар саны 219-ға жетті.