Депутаттар тағайындауларды екі рет мақұлдамаса, Президент Құрылтайды тарата алады
Бұл туралы әділет министрі Ерлан Сәрсембаев мәлімдеді.
Астана, NEGE. Оның айтуынша, әңгіме Құрылтайдың маңызды кадрлық тағайындауларды қайта-қайта келісуден бас тартқан жағдайлары туралы болып отыр.
Ұсынысқа сәйкес, Президент Құрылтайдың келісімімен мынадай лауазымдарға адамдарды тағайындайды:
- вице-президентті
- премьер-министрді
- Конституциялық соттың 10 судьясын
- Орталық сайлау комиссиясының 6 мүшесін
- Жоғары аудиторлық палатаның 8 мүшесін
Егер Құрылтай екі рет келісім бермесе, Мемлекет басшысы оны тарату туралы шешім қабылдай алады.
Сәрсембаевтың айтуынша, мұндай тетік саяси күштерді ымыраға келуге және неғұрлым жауапты шешімдер қабылдауға ынталандыруға бағытталған.