Депутат: «Қазақ тілі курстары ашылып, әрбір шетел азаматы үйренуі қажет»
Мәжіліс депутаты Берік Дүйсембинов шетелдіктер үшін қазақ тілінің арнайы курстарын ашуды ұсынды, - деп жазды Tengrinews.kz.
Мәжілісмен премьер-министр Әлихан Смайыловқа депутаттық сауал жолдап, онда қалалар мен елді мекендерде бейімдеу орталықтарын құру, елде қалғысы келетін шетелдіктерді оқыту, Қазақстанның Конституциясы мен заңдарын түсіндіру, заңмен қамтамасыз ету қажеттігін айтты.
"Елде қалғысы келетін шетелдік Қазақстанның тарихымен, мәдениетімен және тұрмысымен, салт-дәстүрлерімен танысуы керек. Қазақ тілі курстары ашылып, әрбір шетел азаматы үйренуі қажет", - деп атап өтті депутат Мәжіліс отырысында.