Пандемия кезінде Денсаулық сақтау министрлігін басқарған Алексей Цой жаңа қызметке тағайындалды
Бұл туралы Ақорданың баспасөз қызметі хабарлады.
Астана, NEGE. «Мемлекет басшысының өкімімен Алексей Владимирович Цой Қазақстан Республикасы Президентінің әлеуметтік мәселелер жөніндегі кеңесшісі лауазымына тағайындалды», – делінген хабарламада.
Алексей Цой Денсаулық сақтау министрлігін 2020 жылдың маусым айында пандемия кезінде басқарды. Ол Елжан Біртановтың орнына келген болатын. А.Цой бұл қызметті 2021 жылдың желтоқсанына дейін атқарды.
Отставкадан кейін Алексей Цой Президент істері басқармасының Медициналық орталығын басқарды.