Демеу Жадыраевтың бозкілемге оралатын күн белгілі болды
Париж Олимпиадасының күміс жүлдегері Демеу Жадыраев 2025 жылы боз кілемге оралатын болды. Бұл туралы ұлттық құрама бапкері Қонысбек Төкенов sportbugin сайтына берген сұхбатында айтты.
Алматы, NEGE. Төкеновтің айтуынша, 35 жастағы спортшы тамыз айында Германияның Дортмунд қаласында өтетін Гран-при турнирінде бақ сынайды. Дәл осы жарыстағы нәтижесіне қарай оның әлем чемпионатына қатысу-қатыспауы шешілмек.
– Спортшы қазіргі уақытта тығыз дайындық үстінде. Тамызда Дортмундтегі Гран-приге қатысады. Біз оның қазіргі деңгейін сол жерде бағалаймыз. Егер жақсы нәтиже көрсетсе, әлем чемпионатына қатысатын кандидаттар қатарына енеді. Ал нәтиже болмаса – құрамадан тыс қалады, - деді Төкенов.