Демалыс күндеріне арналған ауа райы болжамы жарияланды
Қазгидромет синоптиктері 18-20 ақпан аралығындағы ауа райына болжам жасады.
Алматы, NEGE. Батыс циклон және атмосфералық фронттардың әсерінен Қазақстан аумағының басым бөлігінде ауа райы тұрақсыз болады.
Қар жауады, республиканың оңтүстік-батысында, оңтүстігінде және оңтүстік-шығысында жаңбыр мен қар жауады деп болжанып отыр.
18 ақпанда Жамбыл, Алматы, Жетісу облыстарында қатты жауын-шашын (жаңбыр, қар) болуы мүмкін.
Республика бойынша тұман түсіп, жел күшейеді.
Еліміздің оңтүстік жартысында – көктайғақ, солтүстік жартысында – жаяу бұрқасын соғады.
