Демалыс күндеріне арналған ауа райы болжамы жарияланды
Синоптиктер 11-13 маусымға ауа райы болжамын ұсынды.
Алматы, NEGE. "Солтүстік-батыс және оңтүстік циклондардың бірігуі ауа райының тұрақсыз сипатын сақтайды. 11-12 маусымда республиканың оңтүстігі мен оңтүстік-шығысының таулы аймақтарында найзағай ойнап, жел күшейеді, бұршақ жаууы мүмкін. Оңтүстік-батыста, оңтүстікте шаңды дауыл күтіледі", - делінген хабарламада.
Республиканың батысында, солтүстік-батысында ауа температурасы күндіз +22+30-дан +17+26-ға дейін төмендейді, оңтүстік-батыста ауа +25+35-ке дейін, солтүстікте +20+28-ден +25+30-ға дейін жылынады.
«Елдің шығысында +28+37-ден +24+33-ке дейін төмендейді, республика орталығында +22+30-дан +27+32-ге дейін көтеріледі, оңтүстікте +35, оңтүстік облыстарда республика бойынша +25+35-тен +20+30-ға дейін төмендейді», - деп ескертті синоптиктер.