Демалыс күндеріне арналған ауа райы
Синоптиктер 11-13 қаңтар аралығында ауа райы қандай болатынын айтты.
Алматы, NEGE. «Қазгидромет» РМК синоптиктерінің мәліметінше, алдағы күндері тұман түсіп, көктайғақ болады. «Атлант мұхиты мен Жерорта теңізінен келетін жылы және ылғалды ауа массаларының әсерінен Қазақстанның көптеген облысында бұлтты, жауын-шашынды ауа райы, тұман және көктайғақ сақталады. Соған қарамастан, ауа температурасы әлі де орташа көпжылдық көрсеткіштен жоғары болады. Тек республиканың оңтүстігінде қысқа мерзімді ауа температурасының төмендеуі күтіледі», - дейді «Қазгидромет» өкілдері.
