Демалыс күндері ауа райы 25 градусқа дейін жылынады
«Қазгидромет» РМК алдағы демалыс күндеріне арнап ауа рай
ы болжамын жасады.
Аcтана, NEGE. «Алдағы демалыс күндері, батыстан Атлантикалық циклон ауыса бастайды. Бұл негізінен жаңбыр түріндегі жауын-шашынның өтуіне және елдің батысы мен солтүстігінде желдің күшеюіне әкеледі. Ал республиканың қалған бөлігінде көтеріңкі қысым әсерінен жауын-шашынсыз ауа райы сақталады», - делінген болжамда.
Сондай-ақ, Ираннан жылы ауа массалары келеді. Соның салдарынан Қазақстанның барлық аумағында ауа температурасы көтерілмек.
«Батыста +15+23 градусқа дейін, солтүстікте, орталықта және елдің шығысында +8+18 градусқа дейін, ал республиканың оңтүстігінде +17+25 градусқа дейін жететін болады», – дейді «Қазгидромет» РМК.