Демалыс күндері ауа райы қандай болады?
Синоптиктер еліміз бойынша 2022 жылғы 12-14 қарашаға арналған ауа райы болжамын ұсынды.
Алматы, NEGE. Алдағы демалыс күндері және жаңа жұмыс аптасының басында республиканың басым бөлігіне атлантикалық циклон мен сонымен байланысты фронтальды учаскелер әсер етеді, бұл факторлар ауа райының тұрақсыз сипатын анықтайды.
"Қазгидромет" РМК мәліметінше, жауын-шашын, республиканың солтүстік жартысы мен шығысында қатты жаңбыр мен қар жауады.
Республика бойынша тұман күтіледі, республиканың басым бөлігінде көктайғақ, бұрқасын, сондай-ақ екпіні 15-29 м/с-ке дейін күшейетін жел соғады. Тек республиканың оңтүстік облыстарында 12-13 қарашада жауын-шашынсыз ауа райы сақталады.