Декретте отырған аналарға 42 500 беріле ме?
Бала күтімінде отырғанына 1 жылдан асқан аналар төтенше жағдайға байланысты берілетін 42 500 теңге төлем алуға өтініш бере алады
.
Алматы, NEGE. Бұл туралы ҚР Еңбек және әлеуметтік қорғау министрі Біржан Нұрымбетов Орталық коммуникациялар қызметінде өткен брифингте айтты. «Бала күтімінде отырған әйел адамдарға бала 1 жасқа толғанша мемлекет тарапынан жәрдемақы төленеді. Ал 1 жылдан асқаннан кейін ол кісілер жұмысқа шығар еді. Бірақ қазіргі төтенше жағдай кезінде ешкім жұмысқа қайта алмайды, жұмысқа шақырмайды. Сондықтан декретте отырған аналар 1 жыл өткеннен кейін 42 500 теңге төлемге үміткер бола алады», - деді министр.