ДДҰ коронавирустан қауіпті жайтты мәлімдеді
Дүниежүзілік денсаулық сақтау ұйымы (ДДҰ) Африка елдеріндегі маляриямен күрестің маңыздылығы туралы мәлімдеді.
Алматы, NEGE. ДДҰ әлемдегі малярия туралы соңғы баяндамасына сүйенсек, жыл сайын бұл аурудан 400 мыңға жуық адам қайтыс болады. Африка аймағында бұлардың саны едәуір көп. 2019 жылы маляриймен ауырғандардың 94 пайызы осы аймақта тіркелді. Бұл COVID-19-бен салыстырғанда айтарлықтай көп. Пандемия басынан бері Африкада коронавирустан 50 мың адам көз жұмған.
ДДҰ маляриямен күрес үшін зерттеуге және жаңа дәрілер әзірлеуге инвестиция көлемін арттыруға шақырды.
Сарапшылардың айтуынша, адамдардың кейбір тобы айтарлықтау қауіпке тап болып отыр. Олардың қатарында 5 жасқа дейінгі балалар, жүкті әйелдер, АИТВ және ЖИТС науқастар, мигранттар, тұрғындардың көшпенді бөлігі және саяхатшылар бар.
