ДДҰ коронавирусқа қарсы ревакцинация бойынша ұсынымдар жасады
Дүниежүзілік денсаулық сақтау ұйымының сарапшысы Сантьяго Мас-Кома коронавирусқа қарсы ревакцинациядан өту қажеттігін, өйткені вакцинациядан кейінгі иммундық қорғаныс бірнеше айға ғана созылатынын мәлімдеді.
Алматы, NEGE. «Ревакцинация кезінде егде жастағы адамдарға басымдық берілуі тиіс. Ең дұрысы - жаңа штамдармен күресу үшін модификацияланған пепараттармен ревакцинация жасау. Осы орайда синтез процестерінің ерекшеліктеріне байланысты мРНҚ вакциналарын пайдаланған абзал», - деді Сантьяго Мас-Кома. Оның айтуынша, ғалымдар әлі күнге дейін COVID-19-ға қарсы ревакцинациядан қаншалықты жиі өту керектігін анықтай алмай отыр.
«Бұл негізінен жас топтарына байланысты болуы мүмкін. Мысалы, жастар үшін ревакцинация уақыты ұзағырақ, ал егде жастағы адамдар үшін қысқарақ дегендей. Сондай-ақ адамның денсаулық жағдайына да тікелей байланысты», - деді сарапшы. Бір күн бұрын Ресей Федерациясы Денсаулық сақтау министрлігінің жұқпалы аурулар жөніндегі штаттан тыс маманы Владимир Чуланов «Спутник Лайт» екпесін ревакцинациялау үшін немесе COVID-19 инфекциясымен ауырып шыққаннан кейін салдыру қажеттігін мәлімдеген болатын.
