ДДҰ басшысы пандемияны 2022 жылы аяқтаудың алғышартын атады
Дүниежүзілік денсаулық сақтау ұйымының басшысы Тедрос Адханом Гебрейесус әлем елдері вакциналарды тарату кезіндегі әділетсіздік пен теңсіздіктерді жойса, 2022 жыл коронавирустық пандемияның соңғы жылы болуы мүмкін деп мәлімдеді.
Алматы, NEGE. Гебрейесус өзінің жаңа жылдық жолдауында «Омикрон» ковидінің жаңа нұсқасының пайда болу себебін асыра ұлтшылдық пен кейбір елдердегі вакциналардың артық қорымен байланыстырды.
ДДҰ жақында өз азаматтарына үшінші екпе алуды ұсынған әлемнің бай елдерін бірнеше рет сынға алды, ал көптеген аймақтарда халықтың айтарлықтай бөлігі вакцинаның алғашқы дозасын да алмаған. ДДҰ басшысының пікірінше, әділдік қағидаты неғұрлым ұзақ бұзылса, біз алдын - ала болжай да алмайтын вирустың одан әрі өзгеру қаупі соғұрлым жоғары болмақ. Сарапшылардың пікірінше, вирустың жаңа мутациясы оның белсенді таралуы жағдайында, әлемнің әртүрлі елдерінде көбірек адамдар жұқтырған кезде пайда болады.
«Омикронның» өршуі әлемде аурудың күрт өсуіне әкелді, бірақ алдын-ала мәліметтер бойынша әлем бойынша жұқтырған адамдар ауруханаларда аз кездеседі.
