ДДСҰ: Жаппай вакцина салу әзір басталмайды
Әлемде коронавирусқа қарсы жаппай вакцина салу 2021 жылдың ортасына дейін бастала қоймайды.
Алматы, NEGE. Бұл туралы Дүниежүзілік денсаулық сақтау ұйымының өкілдері хабарлайды. Айтуларынша, коронавирусқа қарсы вакцинаның ешбірінің тиімділігі 50%-ке де жетпесе керек. Сол себепті екпенің қаншалықты қауіпсіз әрі тиімді екеніне көз жеткізу үшін клиникалық сынақтың үшінші кезеңіне көбірек уақыт керек болып отыр. Вакцина демекші, Дүниежүзілік денсаулық сақтау ұйымы оны бөліп таратумен айналысатын жаһандық альянс құрады. Оған 76 мемлекет кіруге дайын екенін растаған.
Альянс коронавирусқа қарсы екпенің түрлі елдер арасында тең үйлестірілуін бақылайды. Сондай-ақ оның ең алдымен осал топтарға салынуын қадағалайды. Жобаны оған кіретін елдердің үкіметі қаржыландыруы тиіс. АҚШ альянсқа қосылмайтынын бірден айтты.