Дүние
ДДСҰ вакцинаны әділ бөлейік дейді
Коронавирусқа қарсы вакцина барлық елге теңдей бөлініп жатқан жоқ. Мәселен, кедей елдерге екпе жетпей отыр.
Алматы, NEGE. Дүниежүзілік денсаулық сақтау ұйымы осылай деп дабыл қақты. Бұл әлемдегі теңсіздікті одан әрі ушықтырып жіберуі мүмкін. Барлық мемлекеттер вакцинаны тең бөлу қағидатын қолдағанымен, кезектен тыс өту үшін кейбір елдер мен компаниялар екіжақты келісімдер жасауды жалғастырып жүр.
ДДСҰ бас директоры Тедрос Адханом Гебрейесус: "Алғашқы вакциналар жеткізіле бастағаннан бері оның әділ бөлінетінінен үмітіміз сейіле басталды. Қазіргі кезде табысы жоғары 49 мемлекетке вакцинаның 39 миллионнан аса данасы жеткізілді. Ал табысы ең төмен бір елге 25 дана әкелінді. 25 миллион да емес, 25 мың да емес, тек 25 дана ғана. Тура айтайын, әлем адамгершілік жағынан масқара болуға бір қадам тұр" деді.