ДДСҰ: COVID-19-дан қайтыс болғандар саны күрт артты
Қазақстанда өткен тәулікте 7479 адамда коронавирус індеті ПТР арқылы расталып ауырғаны белгілі болды.
Алматы, NEGE. Дүниежүзілік денсаулық сақтау ұйымы COVID-19-дан орын алған өлім-жітім санының күрт өскенін хабарлады. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссияның Telegram каналына сілтеме жасап хабарлайды.
«Өткен аптада әлемде COVID-19 жұқтыру фактілерінің жалпы саны 3,8 миллионнан асты, мұның салдарынан қаза тапқандар саны күрт өсті. 69 мыңнан астам адам қайтыс болды, бұл бір апта бұрынғыға қарағанда 21% - ға көп. Бұл туралы ДДҰ-ның апта сайынғы есебінде айтылған. Коронавирус инфекциясының жылдам таралуы Солтүстік және Оңтүстік Америкада және Батыс-Тынық мұхиты аймағында байқалады» делінген ақпаратта.
